123news.az xəbər verir ki , Istanbulda  "Türkiyə Bariatrik Cərrahi Dərnəyi" nin təşkilatçılığı ilə  "Bariatrik-Metabolik Cərrahiyyədə revizional texnikalar"  mövzusunda beynəlxalq seminar keçirilib.

İki gün davam edən seminar Türkiyənin məşhur Cərrahpaşa Üniversitetinin Tibb Fakültəsində və Medtronik İnnovasion Mərkəzində keçirilib.

Seminarda Türkiyənin tanınmış professor və həkim heyyəti ilə yanaşı ,azərbaycanlı həkim , Azərbaycan Bariatrik və Metabolik Cərrahlar Assosiasiyasının təsisçisi , cərrah Taryel Ömərov da iştirak edib. Azərbaycanlı həkim gənc türk həkimlərə kurs rəhbəri olaraq öz bilik və təcrübələrini aşılayıb.

Qeyd edək ki , bu , Azərbaycan Bariatrik və Metabolik Cərrahlar Assosiasiyasının ilk uğuru deyil. Belə ki , dəfələrlə beynəlxalq konfrans və seminarlarda tərəfdaş olan Assosiasiya , öz uğurlarını qazanmaqdadır.Taryel Ömərovun rəhbərliyi ilə assosiasiyanın geniş fəaliyyəti nəticəsində  Azərbaycanda  Bariatrik -Metabolik Cərrahiyə elminə yeni metod və yeniliklər tətbiq edilməklə uğurlar əldə edilir.